निगूगु चरणया आन्दोलन तयारी

येँ (सन्ध्या टाइम्स)/नेपाल आदिवासी जनजाति महासंघं निगूगु चरणया आन्दोलन घोषणा यायेगु नितिं थौं न्हिनय् महासंघया मुँज्या च्वनीगु जूगु दु ।

जनजाति महासंघया महासचिव आङकाजी शेर्पां थौं मुँज्या च्वनाः आन्दोलनयात अझ सशक्त कथं न्ह्यःने यंकेत निगूगु चरणया आन्दोलन घोषणा यायेगु जुइ धयादीगु दु। जनजाति महासंघं म्हिगः जक न्हापांगु चरणया आन्दोलनया लिपांगु ज्याझ्वः कथं देय्न्यंकं चक्काजाम याःगु खः। चक्काजाम ज्याझ्वः पूर्ण रुपं सफल जूगु दावी महासंघं याःगु दु ।