परियत्ति वक्तृत्व
यल (सन्ध्या टाइम्स)/थनया हरिसिद्धिइ च्वंगु उच्च माध्यमिक विद्यालयय् भगवान बुद्धं देशना यानाबिज्याःगु ३८ गू मंगलसूत्र बारे परियत्ति वक्तृत्वकला प्रतियोगिता आः नकतिनि क्वचाल ।
बेखारत्न शाक्य मू पाहां कथं झाःगु उगु ज्याझ्वलय् प्रतियोगिताया संरक्षक दाता मोतिलाल शिल्पकारं मंगलसूत्र अध्ययनया बारे न्ववानादिल सा वक्तृत्व कलाया योजनाकार विष्णु शाक्यं थःगु रचना न्यंकादिल। ज्याझ्वलय् न्हाप आदर्श सरल माविया निर्मला बलामि, लिउ सुवर्ण छत्रपुर विहारया सरोज थालि व लियां लिउ त्रिरत्न सहकारी माविया सन्ध्या खड्गी लाःगु खः ।
