एमालें संसदीय नियमावली संशोधनया निंतिं पहल याइगु

नेकपा (एमालें) थःपिंसं राष्ट्रिय सहमतिय सरकारया निंतिं काःगु अडान पाय्छि जूगु धासें संसदीय नियमावली संशोधनया निंतिं पहल याइगु जूगु दु ।

एमाले संसदीय दलया सोमवाः च्वंगु बैठकं सहमतिय सरकारया अडान आः नं सान्दर्भिक जूगु धासें नियमावली संशोधनया लागि एमालें दक्वं दलया सभासदतय् ल्हाःचिं मुंकाः सभामुखयात लःल्हायेगु खँ क्वःछिउगु दु ।

बैठकं बुहमतिय प्रकृया पाखें जुइगु प्रधानमन्त्रीया निर्वाचनय् ब्वति मकायेगु पुलांगु हे अडानयात लिसाकयाः भदौ २ गते जुइगु निर्वाचनय् नं तटस्थ च्वनेगु निर्णय याःगु दु । बैठकय् सभासद्तय्सं नं बहुमतिय आधारय् जुइगु निर्वाचनय् पार्टीं ब्वति मकायेत नेतृत्वया ध्यानाकर्षण याःगु खः ।