छात्रापाखें केन्द्राध्यक्षयात आक्रमण
ख्वप (सन्ध्या टाइम्स)/बीएड स्वंगूगु दँया जाँच बिउ वःम्ह छम्ह परीक्षार्थी चिट खुइगु खँय् ल्वापु जुयाः परीक्षा केन्द्रया केन्द्राध्यक्षयात हे ल्हाः वानाः आक्रमण याःगु दु।
थनया दूधपाटीस्थित भक्तपुर बहुमुखी क्याम्पसय् थौं सुथय् जाँच बिउ वःम्ह परीक्षा मय्जु कामना राईं केन्द्रया केन्द्राध्यक्ष शंकर कुमार उपाध्याययात ल्हाः वाःगु खः ।
परीक्षा क्वथा दुने चिट खुयाच्वन धइगु खँय् जूगु कचवंया झ्वलय् परीक्षार्थी राईं केन्द्राध्यक्ष उपाध्याययात ल्हाः वाःगु खः ।
घटना लिपा राईयात परीक्षा केन्द्रं निष्काशित याःगु दु। परीक्षा केन्द्रय् अमर्यादित व्यवहार याःगु धइगु द्वपं बियाः राईयात निष्काशन याःगु खः ।
