२०६६ साल संविधान निर्माण व शान्ति प्रक्रिया निश्कर्षय् थ्यंकेगु दँ : प्रम प्रचण्ड

प्रधानमन्त्री पुष्पकमल दाहाल प्रचण्डं २०६६ साल संविधान निर्माण यायेगु व शान्ति प्रक्रियायाता निश्कर्षय् थ्यंकेगु दँ जुइगु धयादीगु दु ।

प्रधानमन्त्री प्रचण्डं पुरातनवादी सोच दुगु दलतय्सं अग्रगमन व न्हूगु संविधान निर्माण प्रक्रिया स्यंकेगु कुत यानाच्वंगु द्वपं बियादिल । थः न्ह्यने यक्व हाथ्यात दुसां शान्ति प्रकि्रया सफल जुयां हे त्वःतिगु विश्वास प्वंकादिल ।

मंगलवाः येँय् चन्द्रप्रसाद न्यौपानें च्वःगु महाकाव्य 'चन्द्रयुग'या विमोचन यायेगु ज्याझ्वलय् न्ववासें वयेकलं शान्ति प्रक्रिया व न्हूगु संविधाने च्वयेगु ज्या जोरे जूगुलिं सुनां शान्ति प्रक्रिया क्वचायेके चाहे मजू उमिसं हे न्हूगु संविधान च्वये नं चाहेमजूगु खँ कनादिल ।