'ध्यबा नयाः पार्टी तछ्यानागु मखु'

येँ (सन्ध्या टाइम्स)/आः नकतिनि गठन जूगु नेकपा माले (समाजवादी) पाखें म्हिगः छगू पत्रकार सम्मेलन यासें थःपिंसं ध्यबा नयाः पार्टी तछ्याःगु धकाः बिउगु द्वपंया खण्डन यात। पार्टी अध्यक्ष जगतबहादुर बोगटीं मालेया सीपी मैनालीं पार्टीया करोडौं तका दां थःगु खाताय् तयाः नयाच्वंगु द्वपं बियादिल। सभासद् शारदा नेपालीं थःत हानं मालेय् तुं लिहां वल धाःसा २० लाख तका बीगु अफर वःगु खँ कनादिल। वय्कलं थःपिंत ध्यबा नल धकाः द्वपं बिउपिं एमालेया नेतातय्सं हे ध्यबा नःगु प्रमाण थःपिंके दु धकाः दावी यानादिल ।