आचार्य नं सभापति पदया प्रत्यासी
नेपाली कांग्रेसया सभापति पदया लागि कांग्रेस केन्द्रीय नेता नरहरि आचार्य नं उम्मेदवारी बीगु जूगु दु । थौं सुथय् नेपालएफएम नाप खँल्हाबंला यानादिसें वय्कलं थम्हं नं सभापतिया निंतिं उम्मेदवारी बीगु धयादिल ।
झिंछक्वःगु महाधिवेशनय् मदुम्ह गिरिजाप्रसाद कोइरालानाप पराजित जुयादीम्ह आचार्यं कार्यकर्तातय्सं न्हूगु बिचा दुपिंत स्वये चाहे जूगु धयादिल । जिल्ला सभापतिया निंतिं जूगु ५३गू थाय् मध्ये ११गू थासय् जक पुलांपिं सभापति त्याःगु खँ न्ह्यथंनादिसें वय्कलं कार्यकर्तातय्सं केन्द्रीय सभापतिलय् नं न्हूम्ह हे उम्मेदवार स्वयाच्वंगु धयादिल ।
वय्कलं आःया महाधिवेशनय् प्यानलया ल्यू ल्यू कार्यकर्तात मवनीगु धयादिसें आः कार्यकर्तातय्सं स्पष्ट मार्ग चित्र दूपिंत समर्थन याइगु धयादिल । कांग्रेसया सभापति पदया निंतिं कार्यवहाक सभापति सुशील कोइराला व पार्टी वरिष्ठ नेता शेरबहादुर देउवां थ्वस्वयां न्ह्यः हे उम्मेदवारी बीगु घोषणा यायेधुंकूगु दु ।
