भारतीय प्रम व भाजपा दथुइ नेपाःया बारे खँल्हाबंला

भारतीय प्रधानमन्त्री डा. मनमोहन सिंहया विषेश दूत श्यामशरण नेपाः भ्रमणय् वःगु छवाः लिपा प्रधानमन्त्रीं सिंहं भारतीय जनता पार्टी (भाजपा)या नेतात नाप नेपाःया बारे खँल्हाबंला यानादीगु दु । शरणं नेपाःया बारे याःगु ब्रिफिङया बारे बैठकय् खँल्हाबंला जूगु खः । उगु इलय् भाजपाया नेतातय्सं नेपालय् लोकतान्त्रिक गठबन्धनं न्हूगु सरकार गठन यायेमाःगु खँ तःगु खःसा उकी प्रधानमन्त्री सिंहं नं सहमति प्वंकूगु खः ।

बैठकय् भाजपाया पुलांमह अध्यक्ष राजनाथ सिंह व उत्तराखण्डया मुख्यमन्त्री भगतिसंह कोश्यारीया उपस्थिति दुगु खः । वय्कपिंसं नेपाःया माओवादीयात शान्ति प्रकृया व मूलधारय् ह्येत भारतं तःधंगु भूमिका म्हितुसां आः माओवादीं नेपालय् भारत विरोधी भावना ब्वलंकाच्वंगुलिं माओवादीयात छुं नं हालतं सत्ताया नेतृत्व याके मज्यूगु बिचाः प्वंकूगु खः ।