अप्वेकूगु शुल्क मपुलेत अभिभावक संघया आह्वान

नकतिनि निजी विद्यालयं नीन्याःगू प्रतिशत शुल्क अप्वयेकूगु खँया बिरोद्ध यासें अभिभावकतय्त अप्वयेकूगु शुल्क मपुलेत अभिभावक संघं आह्वान याःगु दु ।

छुं दिँ न्ह्यः जक निजी विद्यालयं सरकारी विद्यालयया शिक्षकयात बीगु तलव सुविधासरह बीत नीन्याःगु प्रतिशत शुल्क अप्वयेकेगु निर्णय याःगु खः ।

मंगलवाः अभिभावक संघं छगू विज्ञप्ति जारी यासें निजी विद्यालय्यसं नियामावली विपरीत एकतर्फी शुल्क अप्वयेकूगु खँ धाःगु दु । विज्ञप्तिइ शिक्षा नियमावली कथं अप्वयेके माःगु शुल्क जिल्ला शिक्षा कार्यलयलय् पेस यानाः प्रक्रिया पूवंकाः शुल्क अप्वयेकूसा जक शुल्क पुलेगु खँ न्ह्यथंनातःगु दु ।

अथेहे विज्ञप्तिइ देय्सय् अप्वयाच्वंगु महंगीया ईलय् अप्वयेकूगु शुल्क अभिभावकतय्सं पुलेमफइगु खँ धाःगु दु ।