चक्काजाम ताः लाकेत जनजातितय् मसाल जुलुस

नेपाल आदिवासी जनजाति महासंघं कन्हय्या चक्काजाम ताः लाकेत शनिवाः देय्न्यंक मसाल जुलुस पिथंगु दु । न्हूगु संविधान दयेकेत व संविधानय् थःपिनिगु माग दुथ्याकेत दवाब बीगु ताः तयाः यायेत्यंगु चक्कजामया पूर्व सन्धाय् मसाल जुलुस पिथंगु खः । मसाल जुलुस येँया रत्नपार्क, बालाजु, कलंकी लगायत थासं पिहावःगु खः ।

इलय् हे संविधान निर्माणया निंतिं महासंघं साउन १ गते निसें थीथी दवाबमुलक ज्याझ्वः यानावःगु खः । न्हापांगु चरणया दवाब ज्याझ्वः कथं महासंघं कन्हय् स्वनिगः नाकाबन्दीया ज्याझ्वः क्वःछिनातःगु खःसां लिपा उकीयात लितकयाः देय्न्यंक चक्काजाम जक यायेगु ज्याझ्वः क्वःछिउगु खः ।