सत्ता हे दक्वं खँ मखु : प्रधानमन्त्री नेपाल

प्रधानमन्त्री माधवकुमार नेपालं सत्ता हे दक्वं खँ मखुगु धयादीगु दु । वय्कलं वर्तमान इलय् नेपाःया राजनीतिक दलत सत्ता हे दक्वं खँ जूगु थें यानाः न्ह्यावनाच्वंगुलिं देय् संकटय् लाःगु धयादिल ।

युवाः व खेलकुद मन्त्रालय व संयुक्त राष्ट्रसंघं ल्याम्ह दिवसया लसताय् येँय् मंकाः रुपं याःगु ज्याझ्वलय् न्ववानादिसें वय्कलं दलत सहमतिय राजनीतिलय् वय्गुया विकल्प मदुगु धयादिसें सत्ता हे दक्वं खँ जूगु धइगु मान्यतायात त्वःतेत इनाप यानादिल ।

प्रधानमन्त्री नेपालं याकनं वर्तमान राजनीतिक संकट समाधन यानाः न्हूगु संविधान व शान्ति प्रकृयायात तार्किक निष्कर्षय् थ्यंकेत दलत मिलेजुयाः न्ह्यावनेगुया विकल्प मदुगु धयादिल ।