एम्बुलेन्स दुर्घटनाय् स्वम्ह सित

वंगु चान्हय् गोरखा नगरपालिका-६ खोलखोलय् छगः एम्बुलेन्स दुर्घटना जुयाः स्वम्ह सीगु दु । जिल्लाया बुङ्कोट गां विकास समितिलय् च्वंगु उपस्वास्थ्य चौकीया ब. १. ज. २५१३ नम्बरया एम्बुलेन्स दुर्घटना जूगु इलय् उकी सवार स्वम्हं घटनास्थलय् हे मदुगु खः । बिरामी ज्वना पोखरा वनाच्वंगु एम्बुलेन्स दुर्घटनाय् ५५दँया गोपीलाल श्रेष्ठ, ४५दँया लीलाबहादुर श्रेष्ठ व ३५दँया प्रेम श्रेष्ठ मदुगु खः । दुर्घटनाय् लानाः एम्बुलेन्स चालक नापं प्यम्ह घाःपाः जूगु दु ।