पौडेलं एमालेयात तँ प्वंकल

नेपाली कांग्रेसपाखें प्रधानमन्त्रीया उम्मेदवार रामचन्द्र पौडेलं प्यक्वःगु चरण तक नं प्रधानमन्त्री ल्यये मफुगुया दोष एमालेयात बियादीगु दु । वय्कलं संविधानसभाया स्वंगूगु तःधंगु दल एमालें प्यंगू चरण तक तटस्थ च्वनाः देय्यात अनिर्णयया बन्दी दयेकूगु द्वपं बियादिल ।

कांग्रेसया १२क्वःगु जिल्ल अधिवेशनया बुधवाः दमौलीइ उल्लेज्या यानादिसें पौडेलं वर्तमान गठबन्धनयात हे निरन्तरता बीमाःगु धयादिल । वय्कलं थ्वहे गठबन्धन अन्तर्गत एमालेयात कांग्रेसं ग्वाहालि यानाःगु धयादिसें आः एमालें कांग्रेसयात ग्वाहालि यायेमाःगु धयादिल ।

थौं सुथय् हे पौडेलं एमाले अध्यक्ष झलनाथ खनालयात नापलानाः न्याक्वःगु चरणया निर्वाचणय् कांग्रेसयात ग्वाहालि यायेत इनाप यानादीगु खः ।