बेलायती मन्त्री येँय्
बेलायती रक्षा राज्यमन्त्री केभान जोन्स नेपाःया न्यान्हूयंकया भ्रमणया निंतिं मंगलवाः सुथय् येँय् थ्यंकादीगु दु । भ्रमणया झ्वलय् राज्यमन्त्री जोन्सं नेपाःया शान्ति प्रक्रियाय् बेलायतया ग्वहालि बारे जानकारी कयादीगु व निगू देय् दथुइया स्वापू सुदृढ यायेगु खँय् सहलह यानादीगु ज्याझ्व दु ।
राज्यमन्त्री जोन्सं राष्ट्रपति रामवरण यादव, प्रधानमन्त्री पुष्पकलम दाहाल, परराष्ट्रमन्त्री उपन्द्र यादव, रक्षामन्त्री रामबहादुर थापा व प्रधानसेनापति रुकमङ्ग कटुवालनाप नापलाना द्विपक्षीय हितया विषयलय् खँल्हानादीगु खँ बेलायती दूतावसपाखें जारी याःगु प्रेस विज्ञप्ति न्ह्यथंनातःगु दु ।
न्यान्हूयंकया भ्रमणय् वयेकलं गोर्खा कल्याणकारी कोषपाखें संचालित थीथी विकास परियोजनाया अवलोकन यानादीगु नापं गोर्खा सैनिकत नाप नं खँल्हाबंला यानादीगु ज्याझ्व दु ।
