नेपालगन्ज शिक्षण अस्पतालय् तोडफोड
मोटरसाईकल दुर्घटनाय् घाःपाः जुम्ह छम्ह ल्याम्हया उपचारया झ्वलये सीवं आक्रोशित छेँजलं नेपालगन्जस्थित शिक्षण अस्पतालय् तोडफोड याःगु दु ।
अस्पतालय् तोडफोड व कर्मचारीतय्त हातपात याःगु धासें चिकित्सक व कर्मचारीतय्सं शिक्षण अस्पतालया आपतकालीन व ओपिडी सेवा बन्द याःगु दु ।
बुधवाः चान्हेय् भे २ प ४०८ नम्बरया मोटरसाईकल नेपालगन्जया सुर्खेत सतकय् दुर्घटना जुवलय् बागेश्वरी २लय् च्वनिम्ह नीनिदँया हरी श्रेष्ठ घाःपाः जूगु खः । तत्काल अस्पताल थ्यंकूम्ह श्रेष्ठ अस्पतालय् मदुगु खः । छेँजःपिंसं धाःसाः ईलय् हे चिकित्सक मवःगुलिं श्रेष्ठ सीगु धासें अस्पताल परिसर दुनेच्वंगु बस, एम्बुलेन्स व भ्यान तोडफोड याःगु खः ।
अस्पताल कर्मचारीतय्सं धाःसाः प्रहरी अस्पतालयं थ्यंक वसां तोडफोड व कर्मचारीतय् हातपात याःगु ईलय् स्वया जकः च्वंगु द्वपं ब्यूगु दु । अस्पतालय् चान्हे निताः ईलय् तोडफोड जूगु खः ।
अस्पताल बन्द जुइवं वासः याकविपं बिरामीत समस्याय् लाःगु दु ।
