व्यवस्थापिका संसदया बैठक लच्छिया निंतिं ता:न्ह्याकल
सोमवाः च्वंगु संविधानसभाया बैठकं व्यवस्थापिका संसदया न्याक्वःगु अधिवेशन लच्छिया निंतिं ता: न्ह्याकेगु कथंया कार्यतालिका हेरफेर याःगु दु ।
थ्वस्वयां न्ह्यःया कार्यतालिकाय् चैत मसान्त दुने न्याक्वःगु अधिवेशन क्वचायेकीगु धासां निर्धारित ईया बैठक तक कार्यसूचीलय् दुहांवनेफूगु मखुत ।
२०६७ साल जेष्ठ १४ गते तक न्हूगु संविधान घोषणा यायेगु कथं देयेकूगु कार्यतालिकाय् थ्व निक्वःगु खुशी हेरफेर याःगु खः । सोमवाः च्वंगु बैठकं कार्यव्यवस्था परामर्श समितिइ दुथ्याःगु थीथी दलया पीप्यम्ह सभासदतय् नामावली हेरफेर व थप घट याःगु दु ।
बैठकय् अध्यक्ष सुवासचन्द्र नेम्वाङं दुर्घटनाय् लानाः मदुम्ह नेपाली कांग्रेसया सभासद बोधनारायण सरदारया संविधानसभाय् दुगु सित रिक्त जूगु जानकारी बियादीगु खः । संविधानसभाया मेगु बैठक अनिश्चितकालया निंतिं स्थगित जूगु दु ।
