चलखं ल्हानाः न्हय्म्ह सित

वंगु चान्हय् बाजुराया बाह्रविसे गाविस-५ जुवापानीया दलित वस्ती वंगु चलःया कारणं न्हय्म्ह सीगु दु । चलखं ल्हानाः छखाः हे छेँजःया प्यम्ह नापं न्हय्म्ह सीगु खः । चान्हय् द्यनाच्वंगु इलय् स्थानीय गोरे चँदाराया छेँ चलखं ल्हाःगु खः । चलखं ल्हानाः ३३दँया महामति चँदारा, वय्कया १२दँया काय् रोशन, ७दँया शंकर व ३दँया राजु सीगु खः । अथेहे २८दँया लक्ष्मी चँदारा, २दँया सरिता व मेम्ह नां सीदुनिम्ह मिसा नं सीगु खः । चलखं ल्हाःपिंत स्थानीय व प्रहरीया ग्वाहालिं मंगलवाः सुथय् लिकाःगु खः ।