कांग्रेसया महाधिवेशन हानं लिछ्यात

नेपाली कांग्रेसया महाधिवेशन हानं लिछ्याःगु दु । भदौ १० गते निसें यायेगु धकाः क्वछिनातःगु महाधिवेशन आः असोज १ निसें ५ गते तक जुइगु जूगु दु । आइतवाः सुथय् च्वंगु कांग्रेस पदाधिकारीतय् बैठकं भदौ २ गते नं प्रधानमन्त्री ल्ययेगु ज्या पूमवंसा महाधिवेशनय् लिच्वः लाइगु धासें पार्टीया १२क्वःगु महाधिवेशन लिछ्यायेगु निर्णय याःगु खः । बैठकय् उपसभापति रामचन्द्र पौडेलं पार्टीया महाधिवेशन लिछ्यायेगु प्रस्ताव तयादीगु खःसा उकीयात पार्टीया वरिष्ठ नेता शेरबहादुर देउवां समर्थन यानादीगु खः ।