लिम्बुवान पाखें आन्दोलनया घोषणा

संघीय लिम्बुवान राज्य परिषदं थःपिनिगु कार्यकर्तायात आक्रमण याःपिंत ज्वनेमफुगु धासें आन्दोलनया घोषणा याःगु दु । परिषदं थःपिनिगु कार्यकर्तायात लक्षित यानाः रिकोभरिङ पुचलं गोलीं क्येकूगु धासें आन्दोलनया घोषणा याःगु दु ।

आइतवाः धरानय् छगू पत्रकार सम्मेलन यानाः परिषदया सुनसरी अध्यक्ष भुपेन्द्रसुन्दर लावतीं गोली चले याम्ह अभियुक्तयात ज्वनेमाःगु धासें साउन २४ गते प्रमुख जिल्ला अधिकारी, गृह मन्त्रालय व सामान्य प्रशासन मन्त्रालयलय् ज्ञापन पौ लःल्हायेगु, २५ गते धरानय् राँके जुलुस पिथनेगु खँ धयादिल ।

अथेहे लावतीं प्रहरीं अभियुक्तयात ज्वनेमफुसाः रिकोभरिङ विरुद्ध अप्रेशन न्ह्याकेगु ख्याच्वः नं बियादिल ।