दण्डहीनता अन्त्य या : बेनेट

राष्ट्रसंघीय मानव अधिकार उच्चायुक्त ज्याकू (ओएचसिचआर)या नेपाः प्रमुख रिचर्ड बेनेटं नेपाःलय् जुयाच्वंगु दण्डहीनता अन्त्य यायेत इनाप यानादीगु दु । थःगु कार्यकाल क्वचायेकाः ओएचसिएआरया मू ज्याकू न्यूयोर्क लिहां झायादीत्यंम्ह बेनेटं शुक्रवाः प्रधानमन्त्री माधवकुमार नेपाल नाप बिदाई भेट यानादिसें उगु इनाप यानादीगु खः । वय्कलं राज्य व माओवादी निगूलिं पक्षयात मानव अधिकार उल्लंघनया गतिविधि निरुपण यायेत अन्तर्राष्ट्रिय मापदण्ड कथं न्यायिक संयन्त्र स्थापना यायेत नं इनाप यानादीगु खः ।

लिसःलय् प्रधानमन्त्रीं नेपालं सरकारं मानव अधिकार उल्लंघन ज्या दिकेत कुतः यानाच्वंगु धयादिसें न्यायिक संयन्त्र स्थापना यायेगु लगायत ज्यायात नं सरकारं सम्बोधन यायेगु प्रतिबद्धता प्वंकादिल ।