माओवादीयात भोट बीत माले टुक्रा जुल
प्यक्वःगु प्रधानमन्त्री निर्वाचनया न्हि कुन्हु तटस्थ च्वनाच्वंगु नेकपा (माले) टुक्रा जूगु दु । टुक्रा जूगु मालेया नेतृत्व पोलिटब्यूरो दुजः जगतबहादुर बोगटीं याःगु दु । नेकपा (माले) समाजवादी नां तयाः न्हूगु पार्टी चायेकाः बोगटी सहित मालेया प्यम्ह सभासद्त न्हूगु पार्टीइ प्रेवश याःगु दु ।
मालेया महासचिव सीपि मौनालीं जनतां ब्यूगु शान्ति व संविधानया ज्यायात वेवास्ता याःगु द्वपं ब्यूसें उमिसं न्हूगु पार्टी गठन याःगु खँ धाःगु दु । उगु पार्टीलय् मालेया सभासद्त शारदा नेपाली, तिलक थापा मगर, यदुवंश झा व गणेश चौधरी दु । उमिसं न्हूगु पार्टीया बारे सभामुख सुवासचन्द्र नेम्वाङयात नं जानकारी बीधुंकूगु व थौंया निर्वाचनय् माओवादीया अध्यक्ष प्रचण्डयात समर्थन यायेगु खँ धाःगु दु ।
उगु पार्टीया संसदीय दलया नेताय् यदुवंश झा व सचेतकय तिलक थापा मगरयात चयन याःगु दु ।
