कर्मचारीतय्सं आन्दोलन लितकाल

नेपाल आयल निगमया कर्मचारीतय्सं आन्दोलन लितकाःगु दु । आन्दोलनकारी कर्मचारी व व्यवस्थापन दथुइ बिहीवाः जूगु वार्ताय् कर्मचारीतय् माग सम्बोधन यायेगु सहमति जुइवं कर्मचारीतय्सं आन्दोलन लितकाःगु खः । सहमतिलय् प्रचलित ऐन कथं कर्मचारीतय्त बोनस बीगु सहमति जूगु दु । वाणिज्य व आपूर्ति मन्त्रयालय् जूगु वार्ताय् निगूलिं पक्षं सहमति पत्रय् ल्हाःचिं तःगु दु ।

कर्मचारीतय्सं आन्दोलन लितकायेवं कन्हय् निसें चिकं मीगु ज्या हानं सुचारु जुइगु जूगु दु । कर्मचारीतय्सं थःपिंत बोनस बीमाःगु लगायत १३बुँदे माग यासें बुधवाः निसें आन्दोलनय् कुहांवःगु खः ।