निजी विद्यालयं २५ प्रतिशत शुल्क बृद्धि
निजी विद्यालयं थः यथ्थे नीन्याःगू प्रतिशत शुल्क अप्वयेकूगु दु । थ्व शुल्क वैशाख २ गतेनिसें शुरु जुइगु न्हूगु शैक्षिक सत्रनिसें लागू जुइ ।
निजी विद्यालयं नियामावली विपरीत एकतर्फी शुल्क अप्वयेकूगु खः । शिक्षा नियमावलीलय् अप्वयेके माःगु शुल्क निलाः न्ह्यः जिल्ला शिक्षा कार्यलयलय् पेस यायेमाःगु व्यवस्था दु । जिल्ला शिक्षा कार्यलयया स्वीकृति काय् धुंका तिनि जकः प्रस्तावित शुल्क लागू जुइगु कानुनी प्रावधान दु । अथेहे अज्याःगु प्रस्ताव यायेवलय् विद्यालय व्यवस्थापन समितिं अभिभावकया भेलापाखें स्वीकृति कायेमाः ।
सरकारी विद्यालयया शिक्षकयात बीगु तलव सुविधासरह बीगु शुल्क अप्वयेकाःगु दाबी विद्यालय संचालकतय्सं याःगु दु । थ्व निर्णयपाखें देय्या च्याद्वं निजी विद्यालय् अध्यन यानाच्वंपिं झिंन्याःगू लाख मस्त प्रभानित जुइगु जूगु दु ।
निजी तथा आवसिय विद्यालयतय् संगठन प्याबसन परिपत्र जारी यानाः अधिकतम नीन्याःगू प्रतिशततकः शुल्क अप्वयेकेत व उकीया न्ययेगू प्रतिशत शिक्षकतय् तलब वृद्धि यानाःगु खँ न्ह्यथंनातःगु दु । ल्यं दनीगु न्ययेगू प्रतिशत विद्यालय विकास व प्रशासनिक खर्चय् छ्यलिगू जूगु दु ।
