तटस्थ हे च्वनेत मोर्चायात एमालेया इनाप

प्रधानमन्त्रीया लागि साउन २१गते जुइगु निर्वाचनय् नं तटस्थ हे च्वनेत नेकपा (एमालें) संयुक्त लोकतान्त्रिक मधेशी मोर्चायात इनाप याःगु दु । बुधवाः सद्भावना पार्टीया संसदीय ज्याकूथी एमाले नेतात व मोर्चाया नेतात दथुइ जूगु खँल्हाबंलाय् एमाले नेतातय्सं सहमतिया सरकार गठन मजुसाः संविधान च्वयेगु व शान्ति प्रकृया क्वचायेकेत थाकुइगुलिं बुहमतीय सरकारयात समर्थन मयायेत इनाप याःगु खः ।

मोर्चाया नेतातय्सं एमाले नाप सहमतिया निंतिं बल्लागु आधारय् फ्वंसें सहमतिया अज्याःगु खाका एमालें न्ह्यब्वये मफुसाः मधेसया मुद्दाय् सहमत जुइगु दलया उम्मेदवारयात समर्थन यायेगु खँ धाःगु खः ।