माओवादी सेनां भर्ना चायेकूगु खँय् रक्षां आपत्ति प्वंकल

रक्षा मन्त्रलायं माओवादी सेनाय् चायेकूगु भर्ना प्रति आपत्ति प्वंकूगु दु । बुधवाः रक्षा मन्त्रालयं छगू विज्ञप्ति पिथनाः नेपाली सेनां भर्ना चायेकूगु विषययात स्वानाः छगू पार्टी विशेषं भर्ना चायेकूगु प्रशंगं सुरक्षा व्यवस्थापनय् थप जटिलता व हाथ्या हइगु धासें आपत्ति प्वंकूगु दु । मन्त्रालयं बृहत शान्ति सम्झौता लिपा नेपाली सेनां थ्व न्याक्वःगु खुसी सैन्य भर्ना प्रकृया न्ह्याकूगु धासें थ्व न्हापाया भर्नाया निरन्तरता जक जूगु खँ न्ह्यथंगु दु ।

सेनां अतिविष्टि व महत्वपूर्ण वयक्ति व संरचनाया सुरक्षा, शान्ति सेनाय् ब्वति लगायत खँया निंतिं व संवेदनशील अवस्थाय् परिचालनया लागि तम्तयार जुइमाःगुलिं भर्ना चायेकूगु खँ धाःगु दु ।