एमाले-माओवादी दथुइ गुंगू बुँदे सहमति
सोमवाः एमालें संसद बहिषकार मयाइगु
सत्ता सझेदार दलत नेकपा एकीकृत माओवादी व नेकपा एमाले दथुइ व्यवस्थापिका संसद सुचारु यायेत गुंगू बुँदे सहकति जूगु दु ।
आइतवाः न्हिनय् निगू दल दुथ्याःगु कार्यदलया बैठकं गुंगू बुँदा तयार याःगु खः । सहमति कथं प्रधानमन्त्री पुष्पकमल दाहाल प्रचण्डं सोमवाःया व्यवस्थापिका संसदय् एमालें ल्ह्वंगु बुँदात बारे न्ववानादी । थ्व सहमति लिपाः न्याक्व तकः संसद बैठक बिहष्कार याःगु एमालें सोमवाः निसें बैठक बहिष्कार मयाइगु जूगु दु । सहमतिइ निगू दलया शिर्षस्थ नेतातय्सं सहि याःगु दु ।
थ्वस्वयां न्ह्य: शनिवाः च्वंगु निगू दलया शिर्षस्थ नेतातय् बैठकं बुटवलय् हत्या जुम्ह एमालेया कार्यकर्ता प्रचण्ड थैवया हत्याया बारे छानबीन यायेत निगुलिं दलया स्वम्ह-स्वम्ह नेतात दुथ्याःगु छगू कार्यदल गठन याःगु खः ।
सहमति कथं थैवया हत्यारा सुजित विकयात ज्वनेत सरकारं सम्बन्धित निकाय यात निर्देशन बीगु जूगु दु । अथेहे थैवयात सहिद घोषण यायेगु व छेँजःयात आर्थीक ग्वहालि यायेगु सहमति जूगु दु ।
थैवयात हत्यारायात माओवादी कार्यकर्ता स्याःगु द्वपं ब्यूसें माओवादी आत्माआलोचना व हत्याया जिम्मा कायेमाःगु माग यासें एमालें लगातार न्याक तकः सदन अवरुद्ध यायेधुंकूगु दु । सदन सुचारु यायेत प्रधानमन्त्री प्रचण्डं प्रमुख प्रतिपक्ष दल नेपाली कांग्रेस व तमलोपा नाप नं सहलह याइगु खँ सीदुगु दु ।
