दुर्घटनाय् ३म्ह सित

मंगलवाः सुथय् नवलपरासीलय् जूगु बस दुर्घटनाय् ३म्ह सीगु दु । धनगढी पाखें येँ वयाच्वंगु ना. ४. ख. ३३४५ नम्बरया बस नवलपरासीया प्रसौनाय् दुर्घटना जूगु खः । प्रहरीया कथं यात्रु ज्वनाः वयाच्वंगु बसं राजमार्गय् दिकातःगु ना. ३. ख. ६२४० नम्बरया ट्रकयात ठक्कर बियाः दुर्घटना जूगु खः । दुर्घटनाय् लानाः ३५दँ दुम्ह अछाम साफेबगरया रामप्रसाद भट्ट व २३दँ दुम्ह सैनापसलया हर्कबहादुर माझी सीगु दुसाः छम्हेसिया नां सीमदुनी । अथेहे दुर्घनाय् ३म्ह गम्भीर घाःपाः जूगु दु । घाःपाः जूपिंत भरतपुरया मेडिकल कलेजय् वासः याकातःगु दु ।