थनिंनिसें ८ घण्टा लोडसेडिङ

नेपाल विद्युत प्राधिकरणं थनिंनिसें छवाःया निंतिं ८ धण्टा लोडसेडिङ जुइ कथं ई अप्वयेकूगु दु । प्रधिकरणं कालिगण्डकी ए जलविद्युत परियोजनाय् मर्मत यायेमाःगुलिं छवाःया निंतिं ८ घण्टा लोडसेडिङ यायेमाःगु खँ धाःगु दु । छवाःया दुने मर्मत यायेगु ज्या क्वमचासाः अझ अप्व ई लोडसेडिङ जुइफुगु खँ धाःगु दु । न्हि २ घण्टा जक लोडसेडिङ जुयाच्वंगु थासय् आः सुथय् ४ घण्टा व बहनी ४ घण्टा लोडसेडिङ जुइ ।