माओवादी-मोर्चा बैठक क्वचाल
एकीकृत नेकपा (माओवादी) व मधेशी मोर्चा दथुइया बैठक बिना निष्कर्ष क्वचाःगु दु । सोमवाः सुथय् तराई-मधेश लोकतान्त्रिक पार्टीया संसदीय दलया ज्याकूथी च्वंगु बैठकय् माओवादी नेतातय्सं मोर्चाया १६ बुँद आधारपत्रया बारे थःपिनिगु धारणा तःगु खः ।
माओवादी अध्यक्ष पुष्पकमल दाहाल 'प्रचण्ड', स्वम्हं उपाध्यक्षत मोहन वैद्य, डा. बाबुराम भट्टराई व नारायणकाजी श्रेष्ठ 'प्रकाश' सहित प्यंगूलिं मधेशी दलया शीर्ष नेतातय् उपस्थितिइ जूगु बैठकय् माओवादीं एक प्रदेश एक मधेशया खँय् सहमति प्वंकेमफइगु अडना काःगु खः । नापं माओवादीं मधेशीतय्त सेनाय् समूहगत प्रवेसया खँ राष्ट्रिय सुरक्षाया विषय जूगुलिं उकी बारे नं असहमति प्वंकूगु खः ।
बैठक लिपा माओवादी उपाध्यक्ष प्रकाशं बैठकय् थःपिंसं मोर्चाया आधारपत्रया बारे ब्यूगु लिसःयात थुइकेगु कुतः यानागु कनादिसें थुकीया बारे मोर्चां आन्तरिक सहलह यानाः जक निर्णय याइगु खँ कनादिल ।
मोर्चां थौं हे नेपाली कांग्रेस नाप नं सहलह याइगु ज्याझ्वः दु । यदि मोर्चां माओवादीयात समर्थन याःसा प्रचण्ड न्हूम्ह प्रधानमन्त्री जुइसाः कांग्रेसयात निर्वाचन त्याकेत धाःसा एमालेया समर्थन अनिवार्य दु । तर एमालें थौंया निर्वाचनय् नं तटस्थ च्वनेत थःगु सभासद्तय्त ह्वीप जारी यायेधुंकूगु दु ।
