मोर्चां अझ निर्णय यायेमफुत
कन्हय् जुइगु प्रधानमन्त्रीया निर्वाचनय् मधेशी मोर्चां सुयात समर्थन यायेगु बारे अझ निर्णय यायेमफुनी । प्रधानमन्त्रीया लागि उम्मेदवारी दर्ता याःगु निगूगु दलं मोर्चां न्ह्यब्वःगु १६गू बुँदे आधारपत्रया लिखित लिसः बीधुंकाः मोर्चा झन अन्यौलय् लाःगु दु । एनेकपा (माओवादी) व नेपाली कांग्रेसया लिसः प्राप्त जुइवं आइतवाः च्वंगु मधेशी मोर्चाया बैठक निष्कर्षविहीन जूगु दु ।
निगूलिं दलं मोर्चाया मू माग एक मधेश एक प्रदेशय् असहमति प्वंकेवं मोर्चाया बैठकं सुयात समर्थन यायेगु बारे निर्णय यायेत थाकूगु खँ धाःगु दु । बैठकय् ब्वति काःपिं नेतातय्सं निगूलिं पार्टीया लिसः ज्वः लाःगु धासें कन्हय्या निर्वाचनय् नं तटस्थ च्वने माःगु बिचाः प्वंकूगु खः । थुकीया बारे कन्हय् निर्वाचन जुइ न्ह्यः माओवादी व कांग्रेस नाप ब्यागलं ब्यागलं बैठक च्वनीगु व वयां लिपा जक मोर्चां निर्णय याइगु जूगु दु ।
