कांग्रेसं मोर्चाया आधारपत्रय् थप स्पष्टता माग
नेपाली कांग्रेसं मधेशी मोर्चाया १६गू बुँदे आधारपत्रया थीथी बुँदाय् थप स्पष्टता माग याःगु दु । आइतवाः कांग्रेसं मोर्चाया आधारपत्रया लिसः ब्यूसें आत्मनिर्णयया अधिकार, राज्य पुनर्संरचना आयोगया औचित्य नापं नेपाली सेनाय् मधेशीतय् समूहगत प्रवेशय् थप स्पष्टता माग याःगु दु । उगु लिसःलय् कांग्रेसं एक मधेश एक प्रदेश बारे धाःसा छुं नं खँ न्ह्यथंनातःगु मदु ।
कांग्रेस कार्यवाहाक सभापति सुशील कोइरालाया महाराजगञ्ज स्थित छेँय् च्वंगु कांग्रेसया बैठकं तयार याःगु लिसःलय् मधेशीतय् अधिकांश मू मागय् कांग्रेस असहमति प्वंकूगु दु । कांग्रेसं लिसलय् एक मधेश एक प्रदेशया बारे खँ न्ह्यमथंगु व मेमेगू बुँदाय् थप स्पष्टता आवश्यक जूगु धकाः न्ह्यथंगु बुँदाय् कांग्रेस नेतातय्सं सहमति प्वंकेमफइगु बिचाः बैठकय् प्वंकूगु खँ सीदुगु दु ।
बैठक लिपा सद्भावनाया संसदीय ज्याकूथी थ्यंकाः कांग्रेस नेतातय्सं उगु लिसः मोर्चायात लःल्हाःगु खः ।
