लिम्बुवानया माग यासें इलाम प्रहरी चौकीइ आक्रमण

लिम्बुवान राज्यया माग यासें लिम्बुवान स्टेट फोर्स नां जूगु छगू संगठनं इलामया प्रहरी चौकीइ आक्रमण याःगु दु । इलामया बाँझौ पंचमी स्थित प्रहरी चौकीइ शनिवाः सनिलय् आक्रमण यानाः अन तयातःगु ल्वाभःत लुटे यानायंकूगु दु । फोर्सया प्रवक्तां थीथी संचार माध्यमय् फोन यानाः घटनाया जिम्मेवारी कासें लिम्बुवान मुक्तिाया निंतिं विद्रोह शुरु यानगु खँ धाःगु दु । खाम्वक्सा नां जूम्ह उम्ह प्रवक्तां चौकीया प्रहरीतय्त नियन्त्रणय् कयाः ल्वाभः लुटे यानागु दाबी याःगु दु । चौकीइ दुगु निपू थ्रीनटथ्री राइफल, छगः रेडियो व छगः माउजर लुटे याःगु दावी फोर्सं याःगु दु ।