तामाकोशीइ लगानी यायेत थौं हस्ताक्षर जुइगु
येँ (सन्ध्या टाइम्स)/अन्ततः नेपाः दुनें हे स्रोत मालाः दयेकेगु धकाः चर्चाय् वयाच्वंगु तामाकोशी जलविद्युत आयोजना शुरु जुइगु जूगु दु। उगु आयोजनाय् दकलय् अप्वः लगानी याइगु कर्मचारी सञ्चय कोषं थौं त्यासा लगानीया सम्झौताय् हस्ताक्षर यायेत्यंगु दु। ४५६ मेगावाटया उगु आयोजना ३५ अर्ब २९ करोड तका खर्च यानाः दयेकेत्यंगु खः। उकी मध्ये सञ्चय कोषं १२ अर्ब तका लगानी यायेत्यंगु दु। मगाःगु दां नेपाल टेलिकम व नेपाःया थीथी बैंकतय्सं लगानी याइगु खँ दु। कर्मचारी सञ्चय कोषं लगानीया लागिं हस्ताक्षर यायेवं मेमेगु संस्थातय्सं नं लगानी याः वइगु अनुमान दु। थुकी छुं प्रतिशत दां सर्वसाधारणय् शेयर जारी यानाः नं मुंकीगु ग्वसाः दयेकातःगु दु ।
