नेवाः देय्गुथिया तःमुँज्या स्थगित
येँ (सन्ध्या टाइम्स)/नेवाः देय्गुथि नेपालमण्डलया तःमुँज्या विशेष कारणं स्थगित जूवंगु दु ।
कन्हय् साउन १५ गते थुकिया तःमुँज्या यायेगु धकाः ज्याझ्वः दयेका तयागु खःसां अन्तिम इलय् वयाः स्थगित यायेमाःगु खँ उकिया नायः नरेन्द्रभक्त हाडां 'सन्ध्या टाइम्स' यात कनादिल ।
तःमुँज्या यायेगु लागिं सम्पन्न यायेमाःगु देय्गुथिया थीथी लागाया अधिवेशन सकभनं सिमधःगु जुयाः इलय् तःमुँज्या याये मफुगु खँ धाःगु दु। आः तक देय्गुथिया किपू, थक्वाः, मध्यपुर थिमि, पन्ति व नाला कचाया अधिवेशन क्वचायेधुंकूगु दु। अथे हे तःकेहेँ कवः मध्ये नं सांस्कृतिक गुथि छगूया जक अधिवेशन क्वचाःगु खँ सीदुगु दु ।
तःमुँज्याया मेगु तिथि लिपा जक सार्वजनिक याइगु खँ नं नायः हाडां कनादिल ।
