यातनां प्रहरी सित

येँ (सन्ध्या टाइम्स)/लछि न्ह्यः तालिमया झ्वलय् सशस्त्र प्रहरी शैलेश्ररी गण पिपलाडी कन्चनपुरय् सीम्ह सशस्त्र प्रहरी जवान मिनबहादुर राना क्षेत्रीयात केन्द्र दुने हे यातना बियाः स्याःगु द्वपं वःगु दु। सशस्त्र तालिमपाखें परिवारया नामय् हुलाकपाखें संचारकर्मीतय्त छ्वयाहःगु पतिइ अथे खँ न्ह्यथनातःगु दु। अन तालिमया झ्वलय् वंगु असार २० गते स्वम्ह प्रहरी बेहोश जूगु खःसा क्षेत्रीयात वासः याकुयाकुं हे सीगु खँ नं पतिइ न्ह्यथनातःगु दु ।