'सदन व सरकार अवरुद्ध याःसा उकीया जिम्मेवार एमाले जुइगु'
बुटवलय् युथफोर्सया कार्यकर्ता प्रचण्ड थैवया हत्या याःगु खँयात कयाः एमालें सदन व सरकार अवरुद्ध यासाः उकीया जिम्मेवार एमाले हे जुइगु माओवादीं ठहर याःगु दु ।
प्रधानमन्त्री निवास बालुवाटारय् शनिवाः च्वंगु माओवादी सचिवालयया बैठकं कानुनी कारवाही यायेगु ज्या गृह प्रशासन व उकी जिम्मेवारी एमालें हे काःगु नं ठहर याःगु दु । माओवादीं कानुनी कारवाही यायेत ज्या अपूइमाः धकाः द्वपं ब्यूम्ह माओवादीया कार्यकर्ता सुजित विकयात माओवादीं कारवाही याःगु खँ बैठकलिपा माओवादी प्रवत्ता दिनानाथ शर्मा धयादिल । अथेहे सरकारय् च्वनाः छम्ह कार्यकर्ता सीगुलिं सरकार व सदन अवरुद्ध यानाः संविधान निर्माणय् पंगः थनाच्वंगु खँ शर्मां धयादिल ।
शुक्रवाः च्वंगु एमालेया स्थायी समितिया बैठकं थैवया हत्याया द्वपं बियातम्ह सुजित विकयात मज्वंतल्ले सदन न्ह्याकेमबीगु व मन्त्रीपरिषदया बैठक नं बहिष्कार यायेगु निर्णय याःगु खः । लगातार न्याक्वःगु खुशी तकः सदन अवरुद्ध जुइवं शनिवाः च्वनीगु व्यवस्थापिका संसदया बैठकस्वयां न्ह्यः माओवादीं मेमेगु दलत नापया सहलह तीव्र यायेगु निर्णय याःगु दु ।
