मोतिलक्ष्मी बारे गोष्ठी

येँ (सन्ध्या टाइम्स)/नेपाःया हे न्हापांम्ह मिसा बाखं च्वमि मय्जु मोतिलक्ष्मी उपासिकाया शतवार्षिकी ज्याझ्वः नेपाल प्रज्ञा प्रतिष्ठानं याइगु जूगु दु। थुकिया लसताय् प्रतिष्ठानं मय्जु उपासिकाया साहित्यिक व्यक्तित्वयात कयाः छगू गोष्ठी यायेगु ज्याझ्वः दयेकूगु दु। थ्वहे वइगु शुक्रवाः प्रतिष्ठानया सभाकक्षय् जुइगु उगु ज्याझ्वलय् मय्जु इश्वरीमैंया श्रेष्ठं ज्यापौ न्ह्यब्वयादीसा उकी थीथी विद्वानपिंसं टिप्पणी यानादी ।