दुर्घटनाय् नीस्वम्ह घाःपा
येँ (सन्ध्या टाइम्स)/दाङया घोराही लमही लागाय् थौं सुथय् बस दुर्घटना जुयाः स्वम्ह यात्रु घाःपाः जूगु दु। उकी लानाः देवकला भण्डारी, रमेश पौडेल व भास्करमणि पौडेल गम्भीर घाःपाः जूगु खः। स्वम्हेसित अनया सामुदायिक अस्पताल लमहीइ वासः याकातःगु दु। येँय् वयाच्वंगु बा. २ ख ३२२५ नम्बरया बस दुर्घटना जूगु खः ।
उखे काभ्रेया जनगाल धइगु थासय् थौं सुथय् मिनि ट्रक व बस ठक्कर नयाः नीम्ह मनू घाःपाः जुल। रोल्वालिङ यातायातया येँनं दोलखापाखे वनाच्वंगु बा. २ ख ३९२७ नम्बरया बस व भोतं येँपाखे वयाच्वंगु बा. २ ख २११३ व बा २ ख ४७२६ नम्बरया मिनि ट्रकय् ठक्कर नयाः उगु दुर्घटना जूगु खः। दुर्घटनाय् लाना घाःपाः जूपिंत भोतया शीर मेमोरियल अस्पतालय् वासः याकातःगु दु ।
