नेवाः व्यवसायी हत्याया विरोध
येँ (सन्ध्या टाइम्स)/वंगु १० गते शनिवाः न्हिनय् हे थनया मासंगल्लिया छम्ह व्यापारी कृष्ण श्रेष्ठयात अज्ञात मनूतय्सं स्याना बिउगु खँयात कयाः नेपाः राष्ट्रिय पाटीं विरोध याःगु दु ।
पार्टीपाखें महासचिव विजय सैंजुं पिकाःगु वक्तव्यय् उगु घटना प्रति थःपिनिगु गम्भीर ध्यानाकर्षण जूगु दु धासें छम्ह नेवाः व्यापारीयात छुं म्वाय्क स्यायेगु तकया गुगु ज्या जुल थुकियात कयाः नेपाः पाटीं घोर भर्त्सना व विरोध याना धयातःगु दु। तत्काल हत्यारायात ज्वनाः कारवाही यायेमाःगु नापं मदुम्ह श्रेष्ठया छेँजःपिंत क्षतिपूर्ति बीत नं वक्तव्यय् माग यानातःगु दु ।
