फुसिं ख्यलय् ज्ञानमाला जागरण
येँ (सन्ध्या टाइम्स)/नेपाल राष्ट्रिय ज्ञानमाला समितिं बुद्धया उपदेशयात थःपिनिगु जीवनय् नं छ्यलेया निंतिं धर्म ख्यः व मानवीय आचरण बल्लाकेगु तातुनाः याना वयाच्वंगु ज्ञानमाला नवजागरण अभियानया न्याक्वःगु ज्याझ्वः फुसिंख्यः, मनमय्जु विहारय् जुल ।
पञ्चशील पाठ यानाः न्ह्याःगु उगु ज्याझ्वलय् सल्लाहकार प्रमुख शान्तरत्न शाक्यं लसकुस यानादीगु खः। महासचिव अमिरमान शाक्यं अभियानया बारे खँ कनादीगु खःसा समितिया नायः प्रा. सुवर्ण शाक्यं नव जागरण अभियानया उद्देश्य बारे कनादिल। विहारपाखें कान्छाकाजी ज्यापुं विहारया प्रगति न्यंकादिल ।
किपूया समग्र ज्ञानमाला भजन खलःपाखें ज्ञानमाला म्येँ हाःगु उगु ज्याझ्वलय् विहारया उपासक उपासिकापिंसं मंकाः रुपं बोधिमत च्याकाः बुद्ध पुजा न्ह्याकूगु खः ।
