मंगलसुत्र बारे न्वचु धेंधेंबल्लाः
यल (सन्ध्या टाइम्स)/भगवान बुद्धं देशना यानाबिज्याःगु ३८ गू मंगलसुत्र बारे परियत्ति वत्तृत्वकला धेंधेंबल्लाः कासा हरिसिद्धि उच्च माध्यमिक विद्यालयय् जुल ।
ज्याझ्वलय् मू पाहां बेखारत्न शाक्य, धेंधेंबल्लाः कासाया संरक्षक दाता मोतिलाल शिल्पकार नापं ज्याझ्वःया योजनाकार बिष्णु शाक्यं मंगलसुत्र अध्ययनया आवश्यकता बारे कुलादिल ।
कासाय् आदर्श सरल माविया निर्मला दलामी न्हाप, सुवर्ण छत्रपुर विहारया सरोज थलि लिउ व त्रिरत्न सहकारी माविया सन्ध्या खड्गी लियांलिउ लाःगु खः। ज्याझ्वः हरिसिद्धि विद्यालयया प्रधानाध्यापक धर्मगोविन्द महर्जनया सभापतित्वय् जूगु खः ।
