राष्ट्रपति व सभामुख दथुइ खँल्हाबंला

राष्ट्रपति डा. रामवरण यादव व सभामुख सुवासचन्द्र नेम्वाङ दथुइ सोमवाः समसामयीक विषयलय् खँल्हाबंला जूगु दु । न्हिनय् राष्ट्रपति भवन शितल निवासय् जूगु खँल्हबंलाय् निगूगु चरण तक नं प्रधानमन्त्री ल्ययेमफुगु बारे खँल्हाबंला जूगु खः । उगु इलय् राष्ट्रपति यादवं प्रधानमन्त्री ल्ययेगु प्रकृया ताःहाक जुयाः वंगुलिं संविधान निर्माण यायेगु ज्या लिबानाच्वंगु बारे च्यूताः प्वंकादीगु खः । सभामुख नेम्वाङ संविधान निर्माणया विषय लगायत मेमेगू बारे सहलह यायेत थम्हं राजनीतिक दलया नेतात नाप खँल्हाबंला यानाच्वनागु जानकारी बियादिल ।