माधवया मेगु हे खँ
येँ (सन्ध्या टाइम्स)/ कामचलाउ सरकारया प्रधानमन्त्री माधव नेपालं आः न्हूगु सरकार दयेके मफइगु जूगुलिं थःगु हे सरकारं ततःधंगु निर्णयत नं याये फइगु वातावरण हयेत सहलह ब्याकादीगु दु ।
यथास्थितिइ प्रचण्ड व रामचन्द्र पौडेल निम्हेस्यां नं संसदया बहुमत काये मफीगु जूगुलिं आः कामचलाउ सरकारं हे मजिमगाःगु तःधंगु ज्या याना वनेगु अनुमति कायेत प्रम नेपालं थीथी दलया नेतात नापलनाः सहलह ब्याकादीगु खँ एमाले सूत्रं धाःगु दु ।
