ख्वपया न्हूगु संकिपा 'क्वाति' शुरु

ख्वप (सन्ध्या टाइम्स)/'लिधंसा' व 'क्वचाकाचा'या सफल प्रदर्शनी लिपा ख्वपय् नेपाः हिउपाः संकिपापाखें नेपालभाषाया न्हूगु संकिपा 'क्वाति' दयेकेगु शुरु याःगु दु। थ्वहे वइगु सापारुं तयार यायेगु ताः तयाः शुटिङ्ग ज्या न्ह्याःगु खँ संकिपाया निर्देशक हरिकृष्ण दुवालं कनादिल।
संकिपाय् हरिकृष्ण दुवाल, रञ्जना सितिखू, शमशेर प्रजापति, शक्ति दुवाल, राजु मानन्धर, कृष्ण प्रजापति, गौतम कुटुवाजू, रत्न खाय्मली, राजाराम नापित, लक्ष्मीप्रसाद गाईजू, तुल्सीनारायण कुम्पाख लगायतका कलाकारतय्सं अभिनय यानाच्वंगु दु ।

राजाराम नापितं छायांकन यानाच्वंगु उगु फिल्मया सम्पादन देवेन्द्र प्रजापतिं यानादीगु खःसा संकिपाया निपु म्येँ अनिता लोहला व राजु मानन्धरं हालादीगु दु। संकिपाया निदेशन, पटकथा लेखन नं हरिकृष्ण दुवालं यानादीगु दु ।