'संविधान निर्माण न्ह्यः स्थानीय निकायया निर्वाचन'

स्थानीय विकास मन्त्री पुर्नकुमारी शेर्मां न्हूगु संविधान निर्माण याये स्वयां न्ह्यः स्थानीय निकायया निर्वाचन यायेमाःगु बिचाः प्वंकादीगु दु । सोमवाः इलामया राजनीतिक दलया नेतात नाप खँल्हाबंला यानादिसें मन्त्री शेर्मां स्थानीय निकायलय् निवार्चित कर्मचारीया अभावय् विकास निर्माणया ज्या ठप्प जूगु धयादिल । वय्कलं विकास निर्माणया ज्या यक्व ई तक दिकेमज्यूगु धयादिसें संविधान निर्माण याये न्ह्यः हे स्थानीय निकायया निर्वाचन यानाः जननिर्वाचित पदाधिकारीतय्त जिम्मा बीमाःगु धयादिल । वय्कल जननिर्वाचित पदाधिकारीतय्सं जक विकास निर्माणया ज्या बांलाक न्ह्याकेफइगु नं धयादिल ।