प्रमाणपत्र तह चीकेगु निर्णयया विरोधय् आन्दोलन

थीथी झिंछगू विद्यार्थी संगठनं प्रविणता प्रमाणपत्र तह चीकेगु निर्णयया विरोधय् आन्दोलनया घोषणा याःगु दु । छन्हु न्ह्यः जक प्रमुख स्वंगू विद्यार्थी संगठन व शिक्षा मन्त्रालय दथुइ जूगु वार्ताय् प्रमाणपत्र तह चीकेगु बारे जूगु सहमतिया विरोध यासें झिंछगू विद्यार्थी संगठनतय्सं मंकाः रुपं थ्व आन्दोलनया घोषणा याःगु खः ।

आइतवाः झिंछगू विद्यार्थी संगठनया बैठकं शिक्षा मन्त्रालय व स्वंगू विद्यार्थी संगठन दथुइ जूगु सहमति थःपिंतं चित्त बुझे मजूगु धासें थ्वहे साउन १० गते निसें दय्न्यंकयया क्याम्पसय् तालाबन्दी निसें शैक्षिक हड्ताल तकया आन्दोलनया घोषणा याःगु दु । बैठकं स्वंगू विद्यार्थी संगठन दथुइ जूगु सहमति कार्यन्वयन मजुतल्ले प्रविणता प्रमाणपत्र तहया पढाइ यथावत तयेमाःगु माग याःगु दु ।