नेवाः भाजु प्रणित, नेवाः मय्जु सजिना
येँ (सन्ध्या टाइम्स)/जि नेक्स्ट एजेन्सीया ग्वसालय् म्हिगः बहनी जूगु न्हापांगु नेवाः भाजु मय्जु ज्याझ्वलय् प्रणित शाही नेवाः भाजु अले सजिना महर्जन नेवाः मय्जु घोषित जूगु दु।
प्रज्ञाभवनया दबुली जूगु उगु ज्याझ्वलय् फस्ट रनर अप सरिना श्रेष्ठ व अमित खड्गी, सेकेण्ड रनर अप उसाता शाक्य व सहज ताम्राकार, मिस ब्यूटिइ सुनेना महर्जन, मिस पर्सनालिटी रेजिना श्रेष्ठ, बेस्ट पर्सनालिटी अनिश महर्जन, ब्यूटिफुलय् पुजन ताम्राकार, फोटोजेनिक सजिना महर्जन व प्रणित शाही, बेस्ट स्माइल सरिना श्रेष्ठ व आशिष मल्ल, बांलाःगु वसतय् जेनिशा श्रेष्ठ व अशिष मल्ल, बेस्ट ट्यालेन्टय् उसाता शाक्य व सहज ताम्रकार, मिस क्याटवाकय् सरिना श्रेष्ठ व अमित खडगीयात ल्यःगु खः। न्हूगु पुस्ताया नेवाः भाजु मय्जुपिंत नेवाः भाय्, संस्कृतिया ज्ञान बीगु नापं नेवाः नुगःया जागरण ब्वलंकेत व इमिगु प्रतिभायात न्ह्यब्वयेगु अवसर बीत थज्याःगु ज्याझ्वः यानागु खँ ग्वसाः खलकं धाःगु दु।
