थनिंनिसें कांग्रेसया अधिवेशन
येँ(सन्ध्या टाइम्स)/नेपाली कांग्रेसया गां व नगर अधिवेशन थनिंनिसें शुरु जूगु दु। ७२ जिल्लाया थ्यंमथ्यं प्यद्वःगू गाविस व नगरपालिकाय् छक्वलं हे निर्वाचन यायेत्यंगु खः।
ख्वप, कालिकोट व मुगु जिल्लाय् क्रियाशील सदस्यता इनेगु सवालय् विवाद जूगुलिं अन लिपा जक अधिवेशन यायेगु खँ नेपाली कांग्रेसं धाःगु दु।
गां व नगरया अधिवेशन लिपा वइगु १५ गते क्षेत्रीय अधिवेशन जुइ धाःगु दु। अथे हे १७ गते जिल्ला अधिवेशन यायेगु धकाः घोषणा यानातःगु जूसां व्यवस्थापिका संसदय् १७ गते हे प्रधानमन्त्रीया निंतिं चुनाव जुइगु जुयाः झिन्हु लिपा २७ गते जक यायेगु धकाः तयारी याःगु दु। कांग्रेसया महाधिवेशन येँय् भदौ महिनाया न्हापांगु वालय् यायेगु जुइ धकाः कांग्रेसं तयारी याःगु दु।
