थौं मासंगल्लि लागा बन्द
येँ(सन्ध्या टाइम्स)/म्हमसिउपिं मनूतय्सं आक्रमण यानाः थनया मासंगल्लिइ च्वंम्ह छम्ह ब्यापारीयात स्याना बिउगुया विरोधय् थौं ब्यापारीतय्सं मासंगल्लि व महाबौद्ध लागाया पसः बन्द यात।
येँया मासंगल्लिइ च्वंगु तृष्णा नेवारी खाजाघरया संचालक कृष्ण श्रेष्ठयात म्हिगः म्हमसिउपिं मनूतय्सं बियरया सिसी व गिलासं छ्यानाः स्याना बिउगु खः। उमिगु आक्रमणय् लानाः श्रेष्ठ घटनास्थलय् हे सीगु खः। पसलय् नःवःपिं ग्राहकतय्सं हे कृष्णया कलाः सीता श्रेष्ठयात नं ल्हाःतुति चिनाः म्हुतुइ टेप तिकुसें निम्हेसितं आक्रमण याःगु खः। हत्यारायात आः तक ज्वने मफुनिसां घटना रहस्यमय जुयाच्वंगु खँ धाःगु दु।
