थौं मनपाय् कार्यकारीलिसे वार्ता
येँ (सन्ध्या टाइम्स)/नेवाः स्वायत्त राज्य मंकाः संघर्ष समितिया नेतृत्वं थौं येँ मनपाया कार्यकारी अधिकृतलिसे वार्ता याःगु दु। मंकाः संघर्ष समितिं कर्मचारी भर्ना रद्द यायेमाःगु, मनपाय् नेवाः डेस्क संचालन यायेमाःगु, कर प्रणाली वैज्ञानिक यायेमाःगु, नेवाः भाय्, कला, संस्कृति सम्पदा संरक्षणया नितिं कूल बजेटय् २५ प्रतिशत तयेमाःगु, नेवाः सम्पदा सम्बन्धि विभाग दयेकेमाःगु नापं थीथी कथंया मागया बारे सहलह जुइ धाःगु दु। थ्व हे दथुइ कर्मचारी भर्ना प्रक्रिया अनिश्चितकाल तकया निंतिं स्थगित याःगुलिं वडाया ज्याकुथिइ तालं चायेकेगु जुइ धकाः धाःगु दु।
